နေပြည်တော် စက်တင်ဘာ (၂၃)။
အားကစားနှင့် လူငယ်ရေးရာဝန်ကြီးဌာန ပြည်ထောင်စုဝန်ကြီး ဦးမင်းသိန်းဇံသည် ယနေ့ညနေ (၃)နာရီအချိန်တွင် နေပြည်တော်အားကစားလေ့ကျင့်ရေးစခန်း (Gold Camp)ရှိ ဆေးဘက်ဌာနခွဲသို့သွားရောက်၍ တာဝန်ခံဆေးဘက်ညွှန်ကြားရေးမှူး ဒေါက်တာစိုးမင်းဦးနှင့် တာဝန်ရှိသူများအား တွေ့ဆုံ၍ ဝန်ထမ်းများနှင့် စခန်းသွင်းလေ့ကျင့်လျက်ရှိသော မြန်မာ့လက်ရွေးစင် အားကစားသမားများနှင့် ကိုဗစ် (၁၉) ရောဂါဖြစ်ပွားမှုထိန်းချုပ်နိုင်ရေး ဝန်ထမ်းများနိုင်ငံတော်မှ ချမှတ်ထားသည့် ကိုဗစ် (၁၉) စည်းကမ်းများနှင့် အညီ တာဝန်ထမ်းဆောင်နိုင်ရေး အားကစားသမားများ စခန်းသွင်းလေ့ကျင့်မှုတွင် ကိုဗစ် (၁၉) စည်းကမ်းနှင့်အညီ နေထိုင်၊ စားသောက်၊ လေ့ကျင့်နိုင်ရေး၊ အထူးကြပ်မတ်သွားရန်နှင့် လိုက်နာမှုရှိစေရေး ဆေးဘက်ဌာနခွဲမှ အထူးကြပ်မတ်ဆောင်ရွက်သွားရန်နှင့် လိုက်နာမှုမရှိသော ဝန်ထမ်းများနှင့် အားကစားသမားများအား ကိုဗစ် (၁၉)စည်းကမ်းဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်း လမ်းညွှန်မှာကြားခဲ့ပါသည်။
