skip to content
နေပြည်တော်၊ စက်တင်ဘာလ(၂၄) ရက်။
 
အစွန်းရောက်ဝါဒတိုက်ဖျက်ရေးလက်နက်ကိရိယာတစ်ခုအဖြစ် အားကစား၏တန်ဖိုးများကိုအသုံးချရေးဆိုင်ရာ အဆင့်မြင့်အစည်းအဝေးကို United Nations Office of Counter-Terrorism (UNOCT)၊ United Nations Interregional Crime and Justice Research Institute (UNICRI)၊ United Nations Alliance of Civilizations (UNAOC)၊ International Centre for Sport Security (ICSS) တို့မှ ဦးဆောင်၍ (၁၈.၉.၂၀၂၀)ရက်နေ့၊ နယူးရောက်စံတော်ချိန် နံနက်(၁၀:၀၀)နာရီ မှ နေ့လယ်(၁၂:၄၅) နာရီအထိ (မြန်မာစံတော်ချိန် ည ၈:၃၀-၁၁:၁၅) Video Conferencing (Virtual Meeting)အဖြစ် အစည်းအဝေးကျင်းပခဲ့ပါသည်။ အစည်းအဝေးတွင်ကုလသမဂ္ဂ အစွန်းရောက်ဝါဒနှင့်အကြမ်းဖက်တိုက်ဖျက်ရေးရုံး (UNOCT)မှ တာဝန်ရှိပုဂ္ဂိုလ် ဒုတိယ ညွှန်ကြားမှုအရာရှိချုပ် Mr. Mauro Miedico က အဖွင့်/အပိတ် အမှာစကားပြောကြားကာ ကုလသမဂ္ဂ၊ နိုင်ငံတကာအဖွဲ့အစည်းများနှင့် အစိုးရမဟုတ်သောအဖွဲ့အစည်းများမှ ကိုယ်စားလှယ်များ၊ အားကစားနယ်ပယ်မှ အထင်ကရပုဂ္ဂိုလ်များ(၃၈) ဦးတို့တက်ရောက် ဆွေးနွေးခဲ့ပြီးမြန်မာနိုင်ငံအပါအဝင် အကုလသမဂ္ဂအဖွဲ့ဝင်နိုင်ငံအသီးသီးမှ အားကစားကဏ္ဍ နှင့် သက်ဆိုင်သူအဆင့်မြင့်ပုဂ္ဂိုလ်များတက်ရောက်ခဲ့ပါသည်။
 
နိုင်ငံတကာကျွမ်းကျင်သူများအစည်းအဝေးကို (၂၁.၉.၂၀၂၀) ရက်နေ့မှ (၂၃.၉.၂၀၂၀) ရက်နေ့အထိ၊ နေ့စဉ် နယူးယောက်စံတော်ချိန် နံနက်(၁၀:၀၀) နာရီမှ နေ့လည် (၁:၃၀) နာရီအထိ (မြန်မာစံတော်ချိန် ည ၈:၃၀-၁၂:၀၀) Video Conferencing (Virtual Meeting)အဖြစ် အစည်းအဝေးကျင်းပခဲ့ပါသည်။ Mr. Mauro Miedico က အဖွင့်/အပိတ် အမှာစကားပြောကြားကာနယ်ပယ်အသီးသီးမှ ကျွမ်းကျင်သူ (၉၇) ဦးတို့ တက်ရောက် ဆွေးနွေးခဲ့ပြီးမြန်မာနိုင်ငံအပါအဝင် အကုလသမဂ္ဂအဖွဲ့ဝင်နိုင်ငံအသီးသီးမှ ကျွမ်းကျင်သူများ တက်ရောက်ခဲ့ပါသည်။
 
ဖော်ပြပါအစည်းအဝေးနှစ်ရပ်သို့ မြန်မာနိုင်ငံမှတာဝန်ရှိပုဂ္ဂိုလ်များ ဖြစ်သည့် ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးချုပ် ဦးကျော်ဦး၊ ကျွမ်းကျင်သူ ဦးမြသန်းထိုက်၊ ညွှန်ကြားရေးမှူးများ ဖြစ်သော ဦးခွန်ဂျာအောင်၊ ဦးကျော်ဇင်မိုးတို့နှင့် အတူတာဝန်ရှိသူများတက်ရောက်ခဲ့ပါသည်။
 
ဆက်လက်၍ အဆိုပါအစည်းအဝေး၌ အချင်းချင်းနားလည်၍ ချစ်ကြည်မှုရှိသော၊ အပြန်အလှန်ယုံကြည်လေးစားသော၊ ငြိမ်းချမ်းရေးလုပ်ငန်းများအားအကောင်အထည် ဖော်ဆောင်နိုင်သောစည်းလုံးညီညွှတ်မှု၊ စုပေါင်းဆောင်ရွက်မှု၊ တရားမျှတမှုများကိုမြတ်နိုးမှု ရှိသော အားကစား၏အနှစ်သာရအလေ့အကျင့်များဖြင့် အကြမ်းဖက်မှုနှင့် အစွန်းရောက်ဝါဒကင်းသောငြိမ်းချမ်းသာယာသည့် လူ့ဘောင်အဖွဲ့အစည်းကို လေ့ကျင့် တည်ထောင်ပေးရန် ရည်ရွယ်၍ နိုင်ငံတကာနှင့် ဒေသအတွင်းသက်ဆိုင်ရာအဖွဲ့အစည်း ကိုယ်စားလှယ်များမှ အားကစား၏တန်ဖိုးများဖြင့် မျက်မှောက်ကာလအကြမ်းဖက်မှုနှင့် အစွန်းရောက်ဝါဒတိုက်ဖျက်ရေး ကြိုးစားအားထုတ်မှုအကြောင်းအရာ ကိစ္စများ/ဆက်စပ် စဉ်းစားရမည့်ကိစ္စများ၊ လူငယ်နှင့် အကြမ်းဖက်မှု/အစွန်းရောက်ဝါဒတိုက်ဖျက်ရေးဆိုင်ရာ အကြောင်းအရာကိစ္စများ၊ အကြမ်းဖက်မှုနှင့် အစွန်းရောက်ဝါဒတိုက်ဖျက်မှုမြှင့်တင်ရေး အခန်းကဏ္ဍအားအားကစားနယ်ပယ်တွင် ပါဝင်သူများ၏ ဆွေးနွေးမှုအကြောင်းအရာ ကိစ္စများ၊ အားကစား၏တန်ဖိုးများကိုအသုံးချ၍ အကြမ်းဖက်မှုနှင့်အစွန်းရောက်ဝါဒတိုက်ဖျက်ရေးဆိုင်ရာမူဝါဒများအကောင်အထည်ဖော် ဆောင်ရွက််မည့်အကြောင်းအရာကိစ္စရပ်များအစရှိသည်တို့ကိုသက်ဆိုင်ရာနယ်ပယ်အဖွဲ့အစည်းများမှ တာဝန်ရှိပုဂ္ဂိုလ်များနှင့် ကျွမ်းကျင်သူများမှ ဆွေးနွေးခဲ့ကြပါသည်။
  • 23 reads
  • Printer-friendly version

back to top
Eng