နေပြည်တော် ဒီဇင်ဘာလ ၁၄ရက်။
မြန်မာနိုင်ငံတွင် Covid 19 ရောဂါမပြန့်ပွှား၊ ကာကွယ်၊ ထိန်းချုပ်နိုင်ရေး၊ကုသရေး၊ လုပ်ငန်း စဉ်များအား နိုင်ငံတော်မှအမျိုးသားရေးအသွင်ဖြင့် အင်တိုက်အားတိုက် ဦးဆောင်ပြီး ဆောင်ရွက်လျက်ရှိရာ အဆိုပါလုပ်ငန်းများ အောင်မြင်စွာ အကောင်အထည် ဖော်နိုင်ရေးအတွက် ကချင်ပြည်နယ်၊ဗန်းမော်မြို့၊ ဗိုလ်ချုပ်လမ်းနှင့်ဂျူဗလီလမ်းလေးထောင့်၌ ဒီဇင်ဘာ ၁၃ ရက် နံနက် ၈ နာရီမှ ၁၀ နာရီအထိ ပြုလုပ်ခဲ့ကြောင်း သိရသည်။ အမှတ်(၂)သတ္တုတွင်းလုပ်ငန်းခရိုင်မန်နေဂျာဦးတင်ကိုကို၊ ခရိုင်ပတ်ဝန်းကျင်ထိန်းသိမ်းရေးဦးစီးမှူး ဦးညီညီဇော်၊ မြို့နယ်အားကစားမှူး ဦးသက်ပိုင်ထွန်း၊ နယ်စပ်ဒေသတိုင်းရင်းသားလူငယ်များဖွံ့ဖြိုးရေးသင်တန်းကျောင်းအုပ်ကြီးဦးအောင်သူ၊ ပြည်တွင်းရေကြောင်းပို့ဆောင်ရေးမန်နေဂျာ ဦးသိန်းလွင်၊ ခရိုင်ဒုတိုင်းရင်းဆေးမှူး ဒေါ်ခန့်ခန့်စိုး၊ မြို့နယ်သစ်တောဦးစီးမှူး ဦးဇော်ဝင်းအောင်နှင့်သစ်တောဝန်ထမ်းများ၊ မြို့နယ်သတ္တုလုပ်ငန်းရှင်များ အသင်းတို့က ပြည်သူများ အား နှာခေါင်းစည်း(၂၅၀၀)ခု၊ ကျန်းမာရေးအသိပညာပေးလက်ကမ်းစာစောင်(၂၀၀)ခု ဖြန့်ဝေပေးအပ်ခဲ့သည် အလားတူ ဗန်းမော်မြို့နယ် အားကစားနှင့် ကာယပညာ ဦးစီးဌာနမှ ကိုယ်လက် လှုပ်ရှားဆေးတစ်ပါး အစီအစဉ်ဖြင့် လိုက်ပါဆောင်ရွက်ကြသော Fitness Danceအဖွဲ့က COVID-19ရောဂါ ကျန်းမာရေး အသိပညာပေးခဲ့ပြီး အစီအစဉ် ဖြစ်မြောက်ရေး အတွက် ရွှေရတနာထိုက်ကုမ္ပဏီလီမိတက်က ကူညီပံ့ပိုးပေးခဲ့သည်။ အဆိုပါနှာခေါင်းစည်းဝေငှခြင်းကို အမှတ်(၂)သတ္တုတွင်းလုပ်ငန်း၊ မြို့နယ်အားကစားနှင့် ကာယပညာဦးစီးဌာနတို့ ဦးစီးပြုလုပ်ခြင်းဖြစ်ပြီး အပါတ်စဉ်တနင်္ဂနွေနေ့တိုင်းပြုလုပ်ခဲ့သည်မှာ (၇)ကြိမ်မြောက်ရှိပြီဖြစ်ကြောင်း သိရသည်။
အဆိုပါလုပ်ငန်းစဉ်များကို ပဲခူးတိုင်း၊ ကျောက်တံခါးမြို့နယ်တွင် (၁၂.၁၂.၂၀၂၀)နှင့် မိုးညိုမြို့နယ်တွင်(၁၃.၁၂.၂၀၂၀)ရက် နေ့၌လည်းကောင်း ကရင်ပြည်နယ်၊ ကြာအင်းဆိပ်ကြီး မြို့နယ်တွင်(၁၀.၁၂.၂၀၂၀) ရက်နေ့၌လည်ကောင်း ပြုလုပ်ခဲ့သည်ဟု သိရှိရပါသည်။
