skip to content

Error message

Deprecated function: The each() function is deprecated. This message will be suppressed on further calls in menu_set_active_trail() (line 2405 of /home/cp391570/public_html/spedmyanmar.com/includes/menu.inc).
 
နေပြည်တော်၊စက်တင်ဘာ(၉)ရက်။
 
၂၀၁၉ခုနှစ်၊ ၀န်ကြီးဌာနပေါင်းစုံဘော်လီဘော(အမျိုးသား/အမျိုးသမီး) ဆီမီးဖိုင်နယ်ပွဲစဉ်များကို ယနေ့နံနက်(၈)နာရီအချိန်မှစတင်၍ ၀ဏ္ဏသိဒ္ဓိအားကစားရုံ(B) တွင် ဆက်လက်ယှဉ်ပြိုင်ကစားလျက်ရှိပါသည်။
 
ယနေ့ယှဉ်ပြိုင်ကစားသော (အမျိုးသမီး)ဆီမီးဖိုင်နယ်ပွဲစဉ်များအဖြစ် ပြည်ထဲရေး၀န်ကြီးဌာနအသင်းနှင့် ပညာရေး၀န်ကြီးဌာနအသင်းတို့ယှဉ်ပြိုင်ကစားကြရာ ပြည်ထဲရေး၀န်ကြီးဌာနအသင်းမှ (၂၅-၆)မှတ်၊ (၂၅-၅)မှတ်၊ (၂၅-၁၆)မှတ်ဖြင့်လည်းကောင်း၊  ကျန်းမာရေးနှင့်အားကစား၀န်ကြီးဌာနအသင်းနှင့် ကာကွယ်ရေး၀န်ကြီးဌာနအသင်းတို့ယှဉ်ပြိုင်ကစားကြရာ ကျန်းမာရေးနှင့်အားကစား၀န်ကြီးဌာနအသင်းမှ (၂၅-၂၂)မှတ်၊ (၂၅-၂၃)မှတ်၊ (၂၃-၂၅)မှတ်၊ (၁၈-၂၅)မှတ်၊ (၁၅-၁၁)မှတ်ဖြင့်လည်းကောင်း၊ 
 
 
 
ဆက်လက်၍ (အမျိုးသား) ဆီမီးဖိုင်နယ်ပွဲစဉ်များအဖြစ် ပြည်ထဲရေး၀န်ကြီးဌာနအသင်းနှင့် ပညာရေး၀န်ကြီးဌာနအသင်းတို့ယှဉ်ပြိုင်ကစားကြရာ ပြည်ထဲရေး၀န်ကြီးဌာနအသင်းမှ (၂၅-၁၅)မှတ်၊ (၂၅-၇)မှတ်၊ (၂၅-၁၁)မှတ် ဖြင့်လည်းကောင်း၊ ကာကွယ်ရေး၀န်ကြီးဌာနအသင်းနှင့် မြန်မာနိုင်ငံတော်ဗဟိုဘဏ်အသင်းတို့ယှဉ်ပြိုင်ကစားကြရာ ကာကွယ်ရေး၀န်ကြီးဌာနအသင်းမှ (၂၅-၂၂)မှတ်၊ (၂၅-၁၄)မှတ်၊ (၂၅-၂၀)မှတ် ဖြင့်လည်းကောင်း၊ အသီးသီးအနိုင်ရရှိသွားပါသည်။
 
အဆိုပါ (အမျိုးသား/အမျိုးသမီး)ဆီမီးဖိုင်နယ်ပွဲစဉ်များအား အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင်၊ ဒုတိယညွှန်ကြားရေးမှူးချုပ်များဖြစ်ကြသော ဦးထွန်းမြင့်ဦး၊ ဦးကျော်ဆန်းနှင့်တာ၀န်ရှိသူများ တက်ရောက်ကြည့်ရှု အားပေးခဲ့ကြပါသည်။ 
 
၂၀၁၉ခုနှစ်၊ ၀န်ကြီးဌာနပေါင်းစုံဘော်လီဘော(အမျိုးသား/အမျိုးသမီး)ပြိုင်ပွဲများကို (၁၀.၉.၂၀၁၉)ရက်နေ့တွင်ရပ်နားမည်ဖြစ်ပြီး (၁၁.၉.၂၀၁၉)ရက်နေ့ နံနက်(၈)နာရီအချိန်မှစတင်၍ (အမျိုးသမီး)တတိယလုပွဲ ပွဲစဉ်အဖြစ် ကာကွယ်ရေး၀န်ကြီးဌာနအသင်းနှင့် ပညာရေး၀န်ကြီးဌာနအသင်းတို့သည်လည်းကောင်း၊ (အမျိုးသား)တတိယလုပွဲ ပွဲစဉ်အဖြစ် မြန်မာနိုင်ငံတော်ဗဟိုဘဏ်အသင်းနှင့် ပညာရေး၀န်ကြီးဌာနအသင်းတို့သည်လည်းကောင်း ဆက်လက်ယှဉ်ပြိုင်ကစားမည်ဖြစ်ပြီး ဘော်လီဘောအားကစားနည်းကို စိတ်ပါ၀င်စားသော မိဘပြည်သူများအနေဖြင့် မည်သူမဆိုအခမဲ့ လာရောက်ကြည့်ရှုနိုင်ပါကြောင်း သတင်းရရှိပါသည်။
 

back to top Eng