skip to content

Error message

Deprecated function: The each() function is deprecated. This message will be suppressed on further calls in menu_set_active_trail() (line 2405 of /home2/cp391570/public_html/spedmyanmar.com/includes/menu.inc).

ရန်ကုန်၊ ဒီဇင်ဘာလ(၂၁)ရက်။       

ကျန်းမာရေးနှင့်အားကစားဝန်ကြီးဌာန ၊ အားကစားနှင့်ကာယပညာဦးစီးဌာနသည် တစ်မျိုးသားလုံးကျန်းမာကြံ့ခိုင်ရေးအတွက် တစ်နိုင်ငံလုံး တစ်မျိုးသားလုံး အမျိုးသားအားကစားစိတ်ဓါတ်အပြည့်အဝဖြင့် ပြည်သူလူထုတစ်ရပ်လုံးလှုပ်ရှား ပါဝင် ဆင်နွှဲစေရန် ရည်ရွယ်၍ ဒီဇင်ဘာလူထုအားကစားလ တတိယပတ် လူထုစုပေါင်းလမ်းလျှောက်ပွဲ ကို ယနေ့နံနက်(၅)နာရီခွဲ က ရန်ကုန်တိုင်းဒေသကြီး မြို့မကျောင်းလမ်းနှင့် စကားဝါလမ်းဆုံမှ  စတင်တာထွက်ရာ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ ရန်ကုန်တိုင်းဒေသကြီးလွှတ်တော် ဥက္ကဌ ဦးတင်မောင်ထွန်းနှင့် အစိုးရအဖွဲ့ဝန်ကြီးများ၊ ဌာနဆိုင်ရာအကြီးအကဲများ၊ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးအောင်မိုးနှင့် (အား/ကာ)ခရိုင်/မြို့နယ် အရာရှိများ၊ ဖိတ်ကြားထားသူများ၊ မြို့နယ်ပေါင်းစုံမှ ပြည်သူလူထုများ၊ အခြေခံပညာကျောင်းမှကျောင်းသား/ကျောင်းသူများ၊  အားကစားနှင့်ကာယပညာသိပ္ပံ(ရန်ကုန်) မှ ကျောင်းသား/ ကျောင်းသူများ၊ ဘင်ခရာနှင့်ပန်းပွားအက ကျောင်းသူလေးများနှင့် အတူတပျော်တပါး စုပေါင်းလမ်းလျှောက်ပွဲကို ပါဝင်ဆင်နွှဲခဲ့ကြသည်။

ရှေးဦးစွာ ရန်ကုန်တိုင်းဒေသကြီးအစိုးရအဖွဲ့လူမှုရေးဝန်ကြီးဦးနိုင်ငံလင်းက သေနတ်ပစ်ဖောက်၍ စတင်တာလွှတ်ပေးခဲ့ရာ စုပေါင်းလမ်းလျှောက်ပွဲကို မြို့မကျောင်းလမ်း စကားဝါလမ်းဆုံမှ စတင်တာထွက်၍ ဦးဥတ္တမအဝိုင်းတို့မှ တဆင့် ရွှေတိဂုံတောင်ဘက်မှ အရှေ့ဘက်အတိုင်း  မြောက်ဘက် သွေးဆေးကန်လမ်းမှ ဗဟန်း ဘောလုံးကွင်းသို့ ပြန်လည်ပန်းဝင်၍ မြို့နယ် အလိုက် လူဦးရေ ငါးသောင်းခန့် ပြည်သူများက စုပေါင်း ကိုယ်လက်ကြံ့ခိုင်ရေး အစီအစဉ် အတွဲအမှတ်(၁/၂) တို့နှင့် Myanmar Fitness Dance  အကလေ့ကျင့်ခန်းများပြုလုပ်ပြီး လမ်းလျှောက်ပွဲ ပါဝင်ဆင်နွှဲခဲ့ကြသည်။

ဒီဇင်ဘာလ နောက်ဆုံးအပတ် (၂၈)ရက်နေ့တွင် လူထုစုပေါင်းလမ်းလျှောက်ပွဲကို မြို့မကျောင်းလမ်း စကားဝါလမ်းဆုံတွင်ပြုလုပ်မည်ဖြစ်ပါကြောင်းသတင်းရရှိသည်။

 


back to top Eng