skip to content

Error message

Deprecated function: The each() function is deprecated. This message will be suppressed on further calls in menu_set_active_trail() (line 2405 of /home2/cp391570/public_html/spedmyanmar.com/includes/menu.inc).

 

ကျိုင်းတုံ

ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ လူထုစုပေါင်းလမ်းလျှောက်ပွဲနှင့် ဆေးလိပ်ငွေ့ကင်းစင် ရှမ်းပြည်တစ်ခွင် ကျောင်းအခြေပြု မီနီမာရသွန်အ​ပြေးပြိုင်ပွဲကို ဒီဇင်ဘာ ၁၄ ရက်နံနက် ၆ နာရီက ကျင်းပသည်။

အဆိုပါ လူထုစုပေါင်းလမ်းလျှောက်ပွဲသို့ ရှမ်းပြည်နယ်အစိုးရအဖွဲ့၊ လူမှုရေးဝန်ကြီး ဒေါက်တာမျိုးထွန်း၊ အာခါတိုင်းရင်းသား လူမျိုးများရေးရာဝန်ကြီး ဦးအာဗေလ၊ ရှမ်းပြည်နယ်လွှတ်တော်ကိုယ်စားလှယ်များ၊ ဌာနဆိုင်ရာများ၊ လူမှုရေးအသင်းအဖွဲ့များ၊ တိုင်းရင်းသားယဉ်ကျေးမှုအသင်းအဖွဲ့များ၊ ကျောင်းဆရာ/ဆရာမများ၊ ကျောင်းသား/ကျောင်းသူများနှင့် ဒေသခံပြည်သူများ စုစုပေါင်းအင်အား (၂၅၀ဝ) ကျော်ခန့် တက်ရောက်ကာ ဒီဇင်ဘာအားကစားလ လူထုစုပေါင်းလမ်းလျှောက်ပွဲတွင် ပါဝင်ဆင်နွဲကြကြောင်း သိရသည်။

ဆက်လက်၍ ဆေးလိပ်ငွေ့ကင်းစင် ရှမ်းပြည်တစ်ခွင်ကျောင်းအခြေပြု မီနီမာရသွန် အပြေးပြိုင်ပွဲကို ကျင်းပရာ ရှမ်းပြည်နယ်(အရှေ့ပိုင်း)အတွင်းရှိ အခြေခံပညာကျောင်းပေါင်းစုံမှ ပြိုင်ပွဲဝင် ကျောင်းသား/ကျောင်းသူ (၅၀ဝ) ကျော်ခန့်ဝင်ရောက်ယှဉ်ပြိုင်ခဲ့ကြသည်ပြီး ပြိုင်ပွဲကို လွှတ်လပ်ရေး ကျောက်တိုင်မှ စတင်တာလွတ်ကာ(၃)မိုင်ခွဲခန့် အကွာအဝေးရှိ ပြည်နယ်ဘောလုံးအားကစားကွင်းသို့ ပန်းဝင်ခဲ့ကြသည်။

ထို့နောက်ဆုရရှိသည့် ကျောင်းသား/ ကျောင်းသူများကို လူမှုရေးဝန်ကြီး ဒေါက်တာမျိုးထွန်းနှင့် တာဝန်ရှိသူများက ဆုများပေးအပ်ချီးမြှင့်ခဲ့ကြကြောင်း သိရသည်။

 

ရဲထက်ဦး(ပြန်/ဆက်)


back to top Eng